Әлем • 25 Қазан, 2021

Үндістанда толассыз жауған қардан 11 адам қаза тапты

248 рет

көрсетілді

1 мин

оқу үшін

Үндістан тауларында қатты қар мен қолайсыз ауа райы салдарынан кем дегенде 11 адам қайтыс болды. Оның ішінде туристер, тасушылар және гидтер бар. Жоғалған адамдарды іздеу жалғасып жатыр, деп хабарлайды Egemen.kz.

Гауһар ҚАПАШ

Үндістанда толассыз жауған қардан 11 адам қаза тапты

Бұл туралы NDTV телеарнасы мәлім етті.

Әуе күштері Уттаракхандтағы Ламхага асуында теңіз деңгейінен бес шақырымнан аса биіктікте ауқымды құтқару операциясын бастады. Онда 18 қазанда 17 саяхатшы адасып кеткен. Кейбіреуінің денесі ең қауіпті өткелдердің бірінен табылып, құтқарушылар полицияға берді.

Іздеу бірнеше гидтер жақын маңдағы тұрғын үйге жеткеннен кейін басталды. Жергілікті биліктің өтініші бойынша әскери күштер апатқа ұшырағандарға көмек көрсету үшін тікұшақтармен шыққан. Екі адам тірі табылды, олар ауруханаға жеткізілді. Тағы төртеуі хабар-ошарсыз кеткен деп саналады.