Аймақтар • 25 Қазан, 2021

Қызылордада тапсырыс бойынша есірткі таратқан тұрғын ұсталды

337 рет
көрсетілді
1 мин
оқу үшін

Қызылордада тапсырыс бойынша «синтетикалық есірткі» таратқан ер адам ұсталды, деп хабарлайды Egemen.kz.

Қызылордада тапсырыс бойынша есірткі таратқан тұрғын ұсталды

22 қазанда Қызылорда облысы Полиция департаментінің Есірткі қылмысына қарсы күрес басқармасы қызметкерлері облыс орталығы аумағында «меткатинон», «мефедрон» синтетикалық препаратын аса ірі көлемде жасырын таратқан тұрғынды ұстады.

Күдіктінің мобильді қосымша арқылы тапсырыс алғаны және қала ішінде белгілі орындарға қойып кету арқылы, «синтетикалық препараттарды» таратқаны анықталған. Айғақты зат ретінде ер адамнан синтетикалық зат салынған 72 қапшық тәркіленген.

Фактке қатысты Қазақстан Республикасы Қылмыстық кодексінің 297-бабы 3-бөлігінің 3-тармағы («Есірткі, психотроптық заттарға, сол тектестерге қатысты аса ірі мөлшерде жасалған, есірткіні, психотроптық заттарды, сол тектестерді заңсыз дайындау, қайта өңдеу, сатып алу, сақтау, тасымалдау, жөнелту не өткізу») бойынша сотқа дейінгі тергеп-тексеру жүргізіледі.

Күдікті Қызылорда қаласының ІІБ уақытша ұстау изоляторына қамалған.