Оқиға • 27 Қазан, 2021

Астанада жарысып, қарсы жолаққа шыққан 5 жүргізуші куәлігінен айырылды

2145 рет көрсетілді

Түнгі уақытта бейнебақылау камерасы арқылы өзара жарыс ұйымдастырған бес көлік жүргізушісі көзге түсті. Жылдам жүруді ұнататын жүргізушілер көпір бойымен жылдамдықты асырып, қарсы қозғалыс жолағына шыққан, деп хабарлайды Egemen.kz.

Полиция қызметкерлері жол ережесін бұзған барлық жүргізушіні ұстап, ҚР ӘҚБК 596-бабы бойынша әкімшілік жауапкершілікке тартты. Соттың шешіміне сәйкес жол ережесін бұзғандар 6 айға көлік құралын жүргізу құқығынан айырылды.

Сонымен қатар, «Mercedes Benz» маркалы автокөлігінің 22 жастағы жүргізушісі мас күйінде көлік жүргізгені үшін 15 тәулікке әкімшілік қамауға алынып, жеті жыл мерзімге көлік жүргізу құқығынан айырылды. Сондай-ақ, полицейлер жүргізушінің көлік жалдау компаниясынан «Mercedes Benz» автокөлігін жалға алғанын анықтады. Көлік құралын пайдалану ережесін бұзғаны және медициналық тексеруден өтпеген жүргізушіні автокөлікті басқаруға жібергені үшін ЖШС-ға ҚР ӘҚБтК-нің 590-бабы бойынша 30 АЕК мөлшерінде айыппұл салынды. Осылайша жүргізушілерге 9 әкімшілік хаттама толтырылды.

Бұзушылықтардың арасында қарсы жолаққа шығу, қауіпсіздік сигналын берместен маневр жасау, жол төсемдерінің бұзылуы, техникалық ақауы бар және техникалық байқаудан өтпеген автокөлікті басқару бар. Тергеу нәтижесінде полицейлер ұсталған жүргізушілердің бірнеше рет жылдамдықты асырып, жол ережесін өрескел бұзғанын анықтады.

Мысалы, «Mercedes Benz» автокөлігінің 31 жастағы жүргізушісі бүгінде - 76, ал «Тойота Камри» автокөлігінің 22 жастағы жүргізушісі - 36 рет жылдамдықты асырып жол ережесін бұзған. Ол «Сергек» камерасында тіркелген. Қазіргі уақытта барлық автокөлік коммуналдық тұраққа жеткізілді. Полиция атап өткендей, көшеде көлік жарысын өткізу заңмен тыйым салынған, өйткені жол ережесін бұзған жүргізушілер адам өміріне үлкен қауіп төндіреді.

Соңғы жаңалықтар

Қарсыласын 7 раунд бойы сабады

Кәсіпқой бокс • Кеше

Үшінші жеңіліс

Жекпе-жек • Кеше

Байден Тоқаевты ел тәуелсіздігінің 30 жылдығымен құттықтады

Тәуелсіздіктің 30 жылдығы • 04 Желтоқсан, 2021

Омикрон штаммы Замбияға жетті

Әлем • 04 Желтоқсан, 2021

Жоспарын жоққа шығарды

Кәсіпқой бокс • 04 Желтоқсан, 2021

Көпірден секіріп өлмек болды

Аймақтар • 04 Желтоқсан, 2021

Үздік ондықта Головкин жоқ

Кәсіпқой бокс • 04 Желтоқсан, 2021

Пікірсайыс турнирі басталды

Елорда • 04 Желтоқсан, 2021

Мектеп оқушысы мерт болды

Аймақтар • 04 Желтоқсан, 2021

Хаттонның ұлы Аттиланы атынан түсірді

Кәсіпқой бокс • 04 Желтоқсан, 2021

Жекпе-жексіз өткен алғашқы жыл

Кәсіпқой бокс • 04 Желтоқсан, 2021

Ұқсас жаңалықтар