Экология • 28 Қазан, 2021

Жайықтың мәселесін шешуге 100 млн теңге бөлінді

663 рет
көрсетілді
1 мин
оқу үшін

Бұл туралы Экология, геология және табиғи ресурстар вице-министрі Серік Қожаниязов мәлімдеді, деп жазады Egemen.kz.

Жайықтың мәселесін шешуге 100 млн теңге бөлінді

Ол Жайық өзенінің деңгейі түсіп кеткенін, тазарту және қалпына келтіру жұмыстары бірлесіп атқарылатынын айтты. 

«Әрине, әрбір мемлекет өз мүддесін көздейді. Қазіргі таңда Ресей тарапының ойы да бірлесіп өзен мен көлдердің мәселесін шешу. Ресей өкілдері бізді кінәлайсыңдар дегенді айтуда. Меніңше, бұл жерде қалыптасқан ахуалға байланысты нақты шешімдер айтылды», деді ол. 

Сонымен қатар вице-министрдің мәлімдеуінше, климаттық проблема таралған аумаққа және Жайықтың мәселесін шешу мақсатында 100 млн теңге бөлінген. 

«Жайықтағы жағдайдың алдын-алу үшін өзен бойындағы кедергілер алынып жатыр. Сонымен қатар су мөлшері тапшы жерлерін қалпына келтіру жұмыстары жүргізілуде. Өңірге бөлінген 100 млн теңге 2024 жылға дейін Атырау мен Орал аймағына жұмсалады», дейді Экология, геология және табиғи ресурстар вице-министрі Серік Қожаниязов.