Кәсіподақтар – әлеуметтік үнқатысудың маңызды саласы

Мемлекет басшысы Нұрсұлтан Назарбаев Қазақстан Кә­сіподақтары федерациясының төрағасы Әбілғазы Құсайы­новты қабылдады, деп хабарлады Президенттің баспасөз қызметі. Ә.Құсайынов Мемлекет басшысын кәсіподақтардың қазіргі қызметі, жүргізіліп жатқан жаң­ғыр­ту жұмыстары және кәсіподақ қозғалысын дамыту перспективалары туралы хабардар етті. Қазақстан Президенті өңірлерде кәсіподақтардың белсенді жұ­мыс жүргізу қажеттігіне және олар­дың әлеуметтік серіктестік ая­сында барлық мүдделі тараптармен өзара ықпалдастығының маңыздылығына назар аударды. – Кәсіподақтардың негізгі мін­деті – еңбеккер мен жұмыс беру­ші­лер арасында туындайтын мәсе­лелерді дер кезінде шешу, ал ол үшін кәсіпорындардың кәсіподақ ұйымдары барлық тараптармен тығыз ынтымақтастықта болуға тиіс. Бұл ретте жұмысшылардың ең­­бек құқықтарын қорғауға бағыт­тал­ған әлеуметтік үнқатысудың жаңа түрлерін дамыту маңызды, – деп атап көрсетті Нұрсұлтан На­зар­баев. Федерация төрағасы жұ­мыс­шылардың еңбек құқықтары мен мүдделерін қорғау үшін әлеуметтік серіктестіктегі кәсіподақтар қоз­ға­лысының рөлін арттыру, сондай-ақ, әлеуметтік-еңбек дауларының алдын алу мақсатын көздейтін кәсіподақтар туралы жаңа заңды әзірлеу барысы туралы да айтты. Суретті түсіргендер С.БОНДАРЕНКО, Б.ОТАРБАЕВ.