«Сосновый борға» келсеңіз ем де аласыз, жеңілдікті де пайдаланасыз

Мұнда наурыз айының аяғына дейін акция жүреді Теңгенің айырбас бағамы өзгер­гелі бері азық-түлікке, күнделікті өмірге қажетті заттарға баға көте­ріледі деген әңгімелер дүрлігіп барып басылғандай. Адамдардың денсаулығы, ол үшін жасалатын профилактикалық жұмыстар, са­­­наторлық демалыстың маңы­зы неден кем? Денсаулық болса қандай жүкті де нардай көте­ріп, Сырдың суы сирағынан кел­мей­тінін қазір адамдар жақсы түсі­неді. Мемлекеттің күшті болуы да денсаулығы мықты ұрпақ өсі­руге байланысты. Мыңжылдық қа­ра­ғайлар арасында орналасқан «Сос­новый бор» санаторийі наурыз айы­ның аяғына дейін созылатын акциясын осы тұрғыдан өткізіп отыр. – Көктем мен қыс мезгілдерінің ауысатын тұсын аталарымыз «жуанның жіңішкеріп, жіңіш­кенің үзілетін кезі» деген ғой. Бұл кезде адам ағзасы қыстың суығынан шаршайды, бойындағы дәрумендер азаяды. Демек, ты­ны­ғуға, профилактикалық ем-шаралар қабылдап қою кімге болса да артық етпейді. Наурыздан кейін-ақ «көктемнің әр күні – жылға азық» деген қарбалас шақ келеді. Демалып, тыңайып алған кісі жұмысқа да құлшынып кірісері анық қой. Біз осы жағын ескеріп, акция жасауды ұйғардық, – дейді «Сосновый бор» санаторийінің директоры Дидар Әубәкіров. – Теңге бағамы қалай өзгерсе де біздің бағамыз қымбаттамайды, қайта акцияда жеңілдіктермен береміз. Наурыз айында «Сосновый бор» санаторийі орналасқан алып қарағайлар арасындағы ақ көрпе қар демалушылардың шаңғы жолына айналады. Ал қарағайдың ауасы жүрек-қан тамырлары ауруынан зардап шегетіндерге, жүй­ке жүйесі үшін мың да бір ем. Күніне бір мезгіл қарағай арасын жаяу аралаудың өзі кісіні өте сергітетінін демалушылардың барлығы да мойындап кетеді. «Сосновый бордың» суының шипасы өте мол екенін әрқашан айтып жүрміз. Шипасы минералды судың құрамына тікелей байланыс­ты. Мамандар бұл судың құрамы атақты «Пятигорск», «Моршин», «Карловы Вары», «Трускавец» және «Ессентуки-17» және өзі­міздің «Сарыағаш» курорт­тары­ның шипалы суына ұқсас екенін әл­деқашан дәлелдеген. – Минералды судың асқазан-ішек ауруларына және ағзадағы зат алмасу үдерісі бұзылғанда емдік қасиеті күшті. Асқазан ауырды дегенше бүкіл ағза зардап шегетінін қазір көзі қарақты кісілер жақсы біледі. Асқазанды осы мезгілде емдеп алған өте тиімді. Сонымен қатар, гинекологиялық, урологиялық және тері ауруларынан зардап шеккендердің де осы сумен емделгені өте дұрыс, – дейді санаторийдің бас дәрігері Айгүл Мырзабекова. Санаторий дәрігерлері жұ­­­­­­мысы ауыр немесе ден­­сау­лыққа зиянды орындарда еңбек ететіндер үшін де көктемде санаторлық ем алудың пайдасы зор екендігін айтады. Жал­пы, аурудың алдын алу үшін және тынығып, денсаулығын нығай­тамын дегенге «Сосновый бордың» берері көп. Санаторийде келушілерге 70-тен аса ем түрі ұсынылады. Демалушылар ауруы­на қарай дәрігердің бақы­лауы­мен кемінде 12-13 түрлі ем қабылдайды. «Сосновый бор» санаторийіне жол­­­­­дама алу үшін 8 (714-45)-3-33-09, 3-33-10, 49-010 және 8 (7142)-39-06-05 телефондарына ал­дын ала хабарласуға болады. Сон­дай-ақ, санаторийдің Қостанай қала­сында  өкілдігі бар екендігін есте­ріңізге саламыз.Оның телефондары: 8 (7142) -54-30-04, 39-09-09. Санаторийдің анықтама телефонына тәулік бойы хабарласуға болады: 8 (714-45)-3-33-05, 8 (7142) -39-02-86. Internet: http://sosnovyibor.com, e-mail: sosnov-bor@mail.ru Нәзира ЖӘРІМБЕТОВА, «Егемен Қазақстан». ҚОСТАНАЙ.