Еліміздің Қорғаныс министрлігі Польшаның қорғаныс ведомствосымен 2014 жылғы әскери ынтымақтастық жоспарына қол қойды.
Аталған құжатта арнайы мақсаттағы бөлімшелердің жеке құрамын дайындау бойынша тәжірибе алмасу, қазақстандық әскери қызметшілердің Польша Әскери-теңіз күштерінің жауынгерлік және жедел даярлық іс-шараларына қатысуы, сондай-ақ, қорғаныс өнеркәсібі саласындағы екі елдің өзара іс-қимылдары қарастырылған.
Бұл Қазақстан мен Польша Қорғаныс министрліктері арасында тұңғыш рет қол қойылып отырған ынтымақтастық жоспары екенін атап өткен жөн.
Кездесуде қазақстандық тарапты Қорғаныс министрлігі халықаралық ынтымақтастық департаментінің бастығы полковник Әділ Беков басқарды. Польша тарапынан құжатқа Польшаның Қазақстандағы елшілігі жанындағы әскери атташе полковник Дариуш Карвиньски қол қойды.
– Қазақстан Қарулы Күштері көптеген елдермен, оның ішінде Польшамен де жақсы қарым-қатынас орнатқан. Бүгін біз бұдан әрі бірлесе жұмыс істеу үшін ынтымақтастық туралы шартқа қол қойдық. Қазақстандық әскери қызметшілер көптеген халықаралық оқу-жаттығуларға қатысып жүр. Екіжақты және көпжақты ынтымақтастық дамып келеді, – деді полковник Дариуш Карвиньски.
«Егемен ақпарат».
Аталған құжатта арнайы мақсаттағы бөлімшелердің жеке құрамын дайындау бойынша тәжірибе алмасу, қазақстандық әскери қызметшілердің Польша Әскери-теңіз күштерінің жауынгерлік және жедел даярлық іс-шараларына қатысуы, сондай-ақ, қорғаныс өнеркәсібі саласындағы екі елдің өзара іс-қимылдары қарастырылған.
Бұл Қазақстан мен Польша Қорғаныс министрліктері арасында тұңғыш рет қол қойылып отырған ынтымақтастық жоспары екенін атап өткен жөн.
Кездесуде қазақстандық тарапты Қорғаныс министрлігі халықаралық ынтымақтастық департаментінің бастығы полковник Әділ Беков басқарды. Польша тарапынан құжатқа Польшаның Қазақстандағы елшілігі жанындағы әскери атташе полковник Дариуш Карвиньски қол қойды.
– Қазақстан Қарулы Күштері көптеген елдермен, оның ішінде Польшамен де жақсы қарым-қатынас орнатқан. Бүгін біз бұдан әрі бірлесе жұмыс істеу үшін ынтымақтастық туралы шартқа қол қойдық. Қазақстандық әскери қызметшілер көптеген халықаралық оқу-жаттығуларға қатысып жүр. Екіжақты және көпжақты ынтымақтастық дамып келеді, – деді полковник Дариуш Карвиньски.
«Егемен ақпарат».
