Жаңа төрағаның қызметіне табыс тіледі

Кеше «Нұр Отан» партия­сы Төрағасының бірінші орын­басары Бауыржан Бай­бек Жамбыл облы­сы­на сапармен келді. Ол өңірдегі жұмысын мүм­кін­дігі шектеулі азаматтар­ды жұмысқа тарту үшін ұйым­дастырылған бос қызмет орындарының жәрмеңкесін көруден бастады. Бос жұмыс орындары жәр­меңкесі Мемлекет басшысының Қа­зақстан халқына арнаған биыл­ғы Жолдауында айтылған тапсырмаларды іске асыру мақсатында «Нұр Отан» партиясының бас­тамасымен ұйымдастырылған еді. Осыған орай облыс орта­лы­ғында өткен жәрмеңкеде 28 жұмыс беруші мекеме 218 бос жұ­мыс орын­дарын ұсынды. Еліміздің «Халықты жұ­мыс­пен қамту туралы» Заңына сәй­кес, мүгедектер еңбек рыногында қосымша қолдауды қажет ететін нысаналы топтар санатына енгізілген. Оларға жұмыспен қам­тудың белсенді түрлеріне, сонымен қатар, «Жұмыспен қамту - 2020» жол картасына қатысуға да ба­сымдық берілген. Өткен жылы жұмыспен қамту мәселелері бойынша уәкілетті органдарға 19009 адам келіп, оның 87,8 пайызы жұмысқа орналасыпты. Оның ішінде 352 мүмкіндігі шектеулі азаматтың 194-і тұ­рақ­ты жұмыс орнын тапса, ақылы қоғамдық жұмыстарға – 76, әлеуметтік жұмыс орындарына – 26, жастар практикасына 8 азамат жолдама алған. Ал ағымдағы жылдың қаңтар айында өтініш берген 48 мүгедектің 12-сі тұрақты жұ­мыс­қа орналасып, 13-і ақылы қо­ғамдық жұмыстарға тартылған. Жалпы, облыс орталығындағы жұмыс берушілер тарапынан жәр­мең­кеге жиналған азамат­тар­дың 100-ден астамы түске дейін-ақ отбасына «екі қолға бір жұ­мыс» тауып, қуанып қайтты. «Нұр Отан» партиясы еліміз бойын­ша мүм­кіндігі шектеулі 5000 аза­мат­ты қызметпен қамтуды алдары­на мақсат етіп қойыпты. Б.Байбектің айтуынша, әр облыс мүмкіндігі шектеулі 500 адам­ға лайықты қызмет тауып бе­ру­ді ұйым­дастырса, онда бұл мақ­сат­ты асыра орындауға да бо­лады. Партия Төрағасының бі­рін­ші орынбасары бұдан кейін Мұ­хам­мед Хайдар Дулати атын­дағы Тараз мемлекеттік универ­си­тетінің мәжіліс залында өт­кен «Нұр Отан» партиясы облыс­тық филиалының кезектен тыс ХІІІ конференциясына қатысты. Онда ұйымдастыру мәселесі қара­лып, конференция делегат­та­ры партияның облыстық филиа­лының төрағалығына ұсы­­ныл­ған облыс әкімі Кәрім Көкі­рек­баевтың кандидатурасын бірау­ыздан қолдады. Кандидатты филиал­ға партия Төрағасының өзі ұсын­ғанын айта келіп, Бауыржан Байбек жаңа төрағаның қызметіне табыс тіледі. Сондай-ақ, Қазақстанның әлем­нің ең дамыған 30 елінің қата­рынан орын алуы жөніндегі Ел­басы Нұрсұлтан Назарбаев қой­ған міндетке орай партияның алдында тұрған бағдарламаларды түсіндіріп, соған байланысты ойларын ортаға салды. Көсемәлі СӘТТІБАЙҰЛЫ, «Егемен Қазақстан». Жамбыл облысы. Суретті түсірген Алтынбек ҚАРТАБАЙ.