![Жамбыл облысының тұрғындары жарық тапшылығын көрмейтін болады](/media/2021/11/11/dgam.jpg)
«Т.И. Батуров атындағы Жамбыл ГРЭС-i» АҚ-ның жұмыс тәртібі жөніндегі кеңесіне Жамбыл облысы әкімінің орынбасары, ҚР ЭМ Атомдық және энергетикалық қадағалау мен бақылау комитетінің, «ҚазТрансГаз Аймақ» АҚ-ның, «ҚазТрансГаз» АҚ-ның Жамбыл өндірістік филиалының, «Жамбыл электр желілері» ЖШС және «Жамбыл жарық сауда 2030» ЖШС Бақылау кеңесінің басшылары қатысты.
Сондай-ақ өзекті мәселелерді талқылауға онлайн-режимде еліміздің барлық өңірлерінен энергиямен жабдықтаушы және электржелілік компаниялардың акционерлері мен басшылары қатысты. Қазақстанның Біртұтас электр энергетикалық жүйесінің (БЭЖ) энергия тапшылығы бар Оңтүстік аймағында электр энергиясын тұтыну ағымдағы жылы 12%-ға өскені атап өтілді.
Тұтынудың өсуіне байланысты «KEGOC» АҚ 500 кВ транзитін солтүстік-оңтүстік бағытында артық жүктеме түседі, электр энергиясын генерациясы мен тұтынудың теңгерімсіздігі пайда болады. Электр энергиясын өндіру мүмкіндігіне қарағанда тұтыну артық. Осыған байланысты Жамбыл ГРЭС-нің резервтері пайдалануға беріледі. Жамбыл ГРЭС-нің басшылығы бүгін электр энергиясын өндіруді арттыра отырып, үшінші блокты іске қосуға техникалық дайындығы туралы баяндады.
Министр биылғы жылдың 30 қазанында «Жамбыл ГРЭС» АҚ-ның электр энергиясына шекті тарифтері бекітілгенін хабарлады. Жүйелік оператор күн сайын энергия беруші және энергиямен жабдықтаушы ұйымдарды қоса алғанда, электр энергиясының көтерме сауда нарығының субъектілері тарапынан электр энергиясын тұтынудың тәуліктік кестесінен ауытқулар мен бұзушылықтарды тіркейді.
«Дәстүрлі түрде электр энергиясы мен қуаттың тапшылығы кешкі максималды тұтыну сағаттарында белгіленеді. Бірақ аймақ тұрғындары мен ауруханалар мен мектептер сияқты әлеуметтік нысандар электр жарығынсыз қалмауы керек. Энергетика министрлігі мұндай шараларға үзілді-кесілді қарсы», деді Мағзұм Мырзағалиев.
Осыған байланысты Энергетика министрі «КЕГОК» АҚ-ға, энергия беруші және энергиямен жабдықтаушы ұйымдарға Атомдық және энергетикалық қадағалау мен бақылау комитетімен (АЭҚБК) бірлесіп, апта соңына дейін талдау жүргізуді және тұрмыстық тұтынушыларды үздіксіз электрмен жабдықтауды қамтамасыз ету бойынша барлық қажетті шараларды қабылдауды тапсырды.
Сонымен қатар, Министр Жамбыл ГРЭС-нің 4 және 5-ші блогын қалпына келтіруге кірісу міндетін қойды, бұл болашақта электр энергиясын өндіруді ұлғайтуға мүмкіндік берер еді. Кеңес қорытындысы бойынша ведомство басшысы «KEGOC» АҚ-ға тәулік сайын тұтынушылар және олардың арасында бөлінген электр энергиясының көлемі туралы ақпарат беруді тапсырды.
Энергия беруші компанияларға энергияны асыра тұтыну фактілері бойынша, оның ішінде «сұр» майнерлерді анықтау бойынша тиісті жұмыс жүргізу тапсырылды.