![Елордада 1200-ге жуық мас жүргізуші ұсталды](/media/2021/11/12/crop-13_9_387x678_photo_19862_22.jpg)
Елордалық Полиция департаментінде «Жол қауіпсіздігін қамтамасыз ету. Мас күйінде көлікті басқарудың жолын кесу бойынша рейдтік іс-шаралар өткізу» тақырыбында брифинг өтті.
Полиция департаменті тарапынан елорда жолдарында жол қозғалысы қауіпсіздігін қамтамасыз етуге бағытталған іс-шараларды тұрақты түрде жүзеге асырады.
Сондай-ақ апаттық талдауды ескере отырып, бекеттердің орналасуына және саптық бөлімшелердің патрульдеу бағыттарына түзетулер енгізіледі.
Өткен кезеңде 130 мыңнан астам жол қозғалысы ережелерін бұзғандардың жолы кесілді.
Көлікті мас күйінде басқарғаны үшін 1 181 жүргізуші ұсталды.
1 400-ден астам апаттық жағдайларды туғызу фактілерінің жолы кесілді. 16 653 жаяу жүргіншіге айыппұл салынды.
(5036) мектептердің және (874) мектепке дейінгі мекемелердің қамтылуымен онлайн және офлайн режимде балалардың жол-көлік жарақатының алдын алу бойынша дәрістер ұйымдастырылды.
Жүргізушілер арасында көлік тәртібін арттыруға бағытталған «Мас жүргізуші қылмыскер», «Автобус», «Назар аударыңыз бағдаршам», «Назар аударыңыз балалар», «Қауіпсіз жол» және т.б. жедел-алдын алу іс-шаралары жүргізілуде.
Мәселен айта кетсек, жол қауіпсіздігін күшейту мақсатында ағымдағы жылдың 8-17 қарашасы аралығында қала аумағында «Қауіпсіз жол» атты республикалық алдын алу іс-шарасы өткізілуде.
Жол жүру ережелерін қадағалау кезінде жол жүрудің апаттық жағдайына әсер ететін өрескел бұзушылықтарға сондай-ақ жаяу жүргіншілермен жұмыс жүргізуге ерекше назар аударылады.
«Қауіпсіз жол» жедел алдын алу іс-шарасын өткізудің алғашқы екі күнінде департамент қызметкерлері мүдделі органдармен бірлесіп, жол қозғалысы ережелерін бұзудың 1436 дерегін анықтады.
20 көлікті мас күйінде басқару;
апатты жағдай тудырғаны үшін 19 бұзушылық анықталды;
33 қарама-қарсы бағытқа шығып кету;
37 бағдаршамның тыйым салынған белгісіне өту;
238 жаяу жүргіншілердің жолдың жүру бөлігін кесіп өту сынды фактілер анықталып барлығы 82 автокөлік айыппұл тұрағына орналастырылды.
«Қауіпсіз жол» атты жедел-алдын алу шарасы аясында автошеру ұйымдастырылды.