«Менің ойымша Альварес-Бетербиев жекпе-жегі көпшілік үшін қызық шайқас болатыны даусыз. Артур Бетербиевпен қолғап түйістірген боксшы, бокстан хабары бар адам ретінде мен Бетербиев үшін «Канелоның» қиын қарсылас болатынын сеземін.
Артур қай кезде де қарсыласына жақын келіп, оны «сындыруға» тырысады. Бірақ оның бұндай «нөмірі» Альвареске өтпейді. Сауль мықты әрі ақылды боксшы. Ол оның күшін залалсыздандыра алады. Әрине, бұл қызық шайқас болады. Бетербиевтің соққысы жойқын екені рас. Дөп тигізе де біледі. «Канело» Головкинге қарсы кездесуде соққыға төзімді екенін көрсетті. Артур Бетербиевке қарсы да өзін солай ұстай ала ма? Осы сұрақтың жауабын іс жүзінде білу маған қызық екені рас. Алайда мен Альварес Артурдың соққыларына шыдай алады деп сенемін», деді Гвоздик өз ойымен бөлісіп.
