Іс-шараға мемлекет және қоғам қайраткері, профессор Мырзатай Жолдасбеков, филология ғылымдарының докторы Әділ Ахметов, жазушы, Мемлекеттік сыйлықтың лауреаты Әлібек Асқар, Парламент Сенатының депутаты Нұртөре Жүсіп, Парламент Мәжілісінің депутаты Қазыбек Иса, Халықаралық М.Мақатаев қорының президенті Бақытгүл Айдарова, Altyn Qyran Foundation қоғамдық қорының қамқоршылық кеңесінің төрағасы Исламбек Салжанов сынды қоғам қайраткерлері мен шығармашыл жастар қатысты. Әдеби жиын барысында ақын туралы естеліктер айтылып, өлеңдері оқылды.
Айта кетейік, Мұқағали Мақатаев атындағы Мәжіліс залының ашылуындағы негізгі мақсат – қазақтың өлең-сөзін жаңа кеңістікке алып шыққан жиырмасыншы ғасырдың санаулы саңлақтарының бірі болған ақынның мол мұрасын насихаттау, оқырмандарды әдебиетті сүюге және өлең құдіретін бағалай білуге баулу, қазақ ақын-жазушыларының шығармаларын насихаттау болып отыр.
