Қабылдау тақырыбы – халыққа Жолдау

Мемлекет басшысы Нұрсұлтан Назарбаев Парламент Мәжілісінің Төрағасы Нұрлан Нығматулинді қабылдады. Н.Нығматулин Мемлекет басшысына Парламент Мәжілісінің жұмысы туралы баяндады, деп хабарлады Президенттің баспасөз қызметі. Кездесуде Президент Жол­дауын тиімді іске асыру және «Қазақстан-2050» Стратегиясын құқықтық қамтамасыз ету үшін қажетті заң жобалары талқыланды. Н.Нығматулин Мемлекет басшы­сын Парламент Мәжілісінің заң­намалық қызметі жөнінде хабар­дар етті, сондай-ақ, Пре­зи­дент Жолдауын түсіндіру үшін де­путаттардың өңірлерге сапары­ның қорытындысы туралы айтты. Мәжіліс Төрағасы парла­мент­шілердің халықпен жалпы саны 1300-ден аса кездесуі өтке­нін, оларға 140 мыңдай адам қатыс­қанын мәлімдеді. Сондай-ақ, Н.Нығматулин V сайланымдағы Парламент жұмысы кезеңінде 255 заң жобасы қарау үшін қабылданғанын, оның 21-іне депутаттардың бастамашылық еткенін атап өтті. Сенатқа 183 заң жобасы жолданған, қазір оның 173-і заңға айналды. Бүгінде Мәжілістің заңнама қоржынында 60 заң жобасы қаралуда. Кездесу қорытындысында Мем­лекет басшысы бірқатар нақты мін­деттер жүктеді. ----------------------------------------- Суретті түсіргендер С.БОНДАРЕНКО, Б.ОТАРБАЕВ.