Аймақтар • 17 Қараша, 2021

Шымкенттің бас дәрігері қызына вакцина салдырды

140 рет
көрсетілді
1 мин
оқу үшін

Бүгін Шымкент қаласы денсаулық сақтау басқармасының басшысы Бақытжан Позиловтың қызы ковидке қарсы вакцина салдырды, деп хабарлайды Egemen.kz. Шымкент қаласы әкімдігінің баспасөз қызметіне сілтеме жасап.

Шымкенттің бас дәрігері қызына вакцина салдырды

Қызымен емханаға келген қаланың бас дәрігері жазбаша сауалнамаға жауап толтырды.

15 жастағы Мерейге емхана мамандары Pfizer вакцинасын салды. 10-сынып оқушысы ата-анасымен кеңесе келе екпе салдыруға шешім қабылдағанын айтады.

«Ата-анаммен келісіп, вакцина салдырдым. Осы екпе арқылы өзімді қауіпті вирустан қорғағым келеді», дейді Мерей.

«Балаңызға вакцина салдырасыз ба?» деп көпшілік сұрап жатыр. Мен бұл сауалға «иә» деп жауап берген едім. Қызыммен сөйлесе келе вакцина салдырамыз деп шештік. Басқа ата-аналар да балаларының қауіпсіздігін ойласа», дейді Б.Позилов.

Айта кетейік, 15 қарашадан бастап Шымкентте Pfizer препаратымен егу жұмыстары жүргізілуде. Екпе алған азаматтарда бүгінге дейін теріс әсер байқалмаған. Олар бірнеше күн бойы медицина қызметкерлерінің бақылауында болады.