Деректерге сенсек, күдікті Гилбер Драгон жағдайының нашарлағанын сезген кезде қамауда болған. Ол тыныс алу жолдары қиындықтарының белгілерімен ауруханаға жеткізілген. Арада аз уақыт өткенде Драгон коронавирус дертінен қайтыс болды.
Жергілікті полиция өкілі Пьер Рене Франсуа ұсталған адамның қайтыс болғанын растады. Тәртіп сақшылары күдіктіден бірнеше тапанша, гранаталар, жартылай автоматты AR-15 мылтығы мен оқ-дәрілер, сондай-ақ қылыш тапқан еді.
Бұған дейін Гаити Президентінің өліміне қатысы бар күдіктілердің бірі, кәсіпкер Самир Хандал Түркияда ұсталған.
Гаити Президенті Жовенель Моиза 7 шілдеге қараған түні оның резиденциясына шабуыл жасалған кезде ауыр жарақат алып, салдарынан көз жұмған. Оның әйелі де жарақат алып, Американың Майами қаласындағы ауруханада емделді.
