Бұл туралы Риа Новости мәлім етті.
Халықаралық көші-қон ұйымының (IOM) Ливиядағы кеңсесі Twitter парақшасында Еуропаға қайықпен жетпек болған 75-тен астам босқын Ливия жағалауында суға батып кеткені туралы хабарлама жариялады. Министрліктің мәліметінше, тағы 15 адамды балықшылар құтқарып, жағаға шығарған.
Ұйым биыл Жерорта теңізінде 1300-ден астам босқынның қаза тапқанын атап өтті.
Еске салайық, 2011 жылы Ливия басшысы Муаммар Каддафи өлтірілгеннен кейін Ливия іс жүзінде біртұтас мемлекет ретінде жұмысын тоқтатты. Сонымен бірге бұл ел Еуропаға барғысы келетін заңсыз босқындардың транзиттік нүктесіне айналды.
