Венесуэла бейбітшілік конференциясын өткізді

Венесуэлада мемлекет басшысы Николас Мадуроның төрағалығымен бейбітшілік мақсатында жалпыұлттық конференция өтті, деп хабарлайды РИА «Новости» агенттігі. «Мирафлорес» президент сарайында өткен конференцияға түрлі саяси күштер мен бизнес өкілдері қатысты. Оппозиция жетекшілері бұл жиынды диалог құруға негізделген деп тараптароған қатысудан бас тартқан еді. Дегенмен, оппозициялық күштердің бірнеше өкілі конференцияға қатысуды жөн көрген екен. Президент Н.Мадуро бұл шараны елде орын алып жатқан жаппай наразылық акцияларына орай ұйымдастырған болатын. Мемлекет басшысы бұдан бұрын наразылықтар кезінде 50-ден аса адамның қаза болғанын мәлімдеді. «Оппозиция жақтастары құрған қоршаулар мен баррикадалар ондаған адамның қаза болуына себеп болды. Нақты айтқанда, жедел жәрдем қызметкерлері оппозиционерлердің бөгетінен өте алмай, тәртіпсіздіктер кезінде жарақат алғандарға дер кезінде медициналық көмек көрсете алмаған. Мәселен, 30 адам жүрек талмасы мен демікпеден көз жұмды», – деді ол. Венесуэла президенті елдегі жағдайды қалпына келтіру үшін тараптарды конституцияны құрметтеп, қақтығыстарды тоқтатуға шақырды. Айдар Өрісбаев. Дереккөз: Ria.ru. Фото: Ria.ru.