Бұл бейнебақылау камераларының деректері жазылады және қажет болған жағдайда мұрағаттан сұрауға болады. Жақын арада әкімшілік қамауға алынғандарға және жеке басын куәландыратын құжаттары жоқ тұлғаларға арналған қабылдап–таратуды да бейнебақылау камераларымен жабдықтау жоспарлануда. Келесі жылы барлық учаскелік полиция пункттерінде бейнекамералар орнатылады», деді Алматы қалалық полиция Департаментінің басшысы Қанат Таймерденов.
Сондай-ақ спикер бүгінгі таңда 42 модульдық постта орнатылған бейнебақылау жүйесі арқылы полиция қызметкерлерінің жұмысын талдауға мүмкіндігі бар екенін және жыл соңына дейін тағы 7 бейнебақылау жүйесін орнату жоспарда екендігін айтты. Бұдан бөлек журналистерге өз қызметкерлерін қалай бақылайтындарын көрсетті.
«Бұған дейін хабарланғандай, «Нұр Отан» партиясының Жол картасын жүзеге асыру аясында жаңа тұрғын үйде жоспарланған 12 учаскелік полиция пунктінің 5-еуі жұмыс істеп тұр. Қазір ұялы байланыс кешенінің мүмкіндіктерін пайдалана отырып, біз сіздердің назарларыңызға «Алмалы» тұрғын үй кешенінде орналасқан учаскелік полиция пунктін ұсынып отырмыз. Ол биылғы наурыз айында пайдалануға берілді. УПП ауданы - 90 шаршы метрді құрайды. Қазіргі уақытта патрульдік киімдер жаңа үлгідегі бейнетіркегіштермен жабдықталған. Сіздердің алдарыңызда патрульдік жасақтардың қызмет көрсеткіштерін онлайн режимінде бақылауға мүмкіндік беретін оператордың жұмыс орны. Нақты уақытта сыртқы қызметтердің жұмысын бақылайтын топ құрылды. Қызметкер тарапынан заңбұзушылықтар анықталған жағдайда дереу ден қою шаралары қабылданады», деді Қанат Таймерденов.
