Аймақтар • 23 Қараша, 2021

Алматыда тәуелсіздіктің 30 жылдығына орай жиын өтті

237 рет
көрсетілді
1 мин
оқу үшін

Алматыда Қазақ ұлттық қыздар педагогикалық университетінде «Алып – анадан туады» атты тағылымды жиын өтті. Ел егемендігінің 30 жылдығына орай ұйымдастырылған шараға ҚР Генералдар кеңесінің мүшелері қатысып, оқу орнының білім алушыларымен кездесті, деп хабарлайды Egemen.kz.

Алматыда тәуелсіздіктің 30 жылдығына орай жиын өтті

Басқосуды Университеттің Басқарма төрағасы – Ректор Гүлмира Қанай ашып, кездесудің маңызы мен басты міндеті туралы айтты.

– Қазақ елі Тәуелсіздігінің 30 жылдығына орай университетімізде күнделікті шаралар өтуде. Ал бүгінгі жиынның маңызы ерекше екендігін айтқым келеді. Себебі, аға буын – біздің алға жол сілтейтін шамшырағымыз сынды. «Қариясы бардың қазынасы бар». Бүгінде ұрпақ тәрбиесінде аға буын өкілдері ұзақ жылдар бойы жинаған тәжірибесін пайдаланудың тиімділігі өте зор. Сіздер өз ғұмырларыңызда ұлттық қауіпсіздігіміз бен ел тыныштығын сақтауда елеулі жұмыс істедіңіздер. Бұл – Отан алдындағы үлкен азаматтық парыз, – деді Гүлмира Қанай.

1653

Кездесуде Қазақстан Республикасы Ұлттық Қауіпсіздік комитетінің генерал-майорлары Еркін Мұсабаев, Махамбет Мұстафа, Марат Мажитов, Қазақстан Республикасы Ішкі-істер министрлігі академиясының полковнигі Амангелді Алинов сөз сөйлеп, студенттерге өнегелі әңгімелерін айтты, әсерлі естеліктерімен бөлісті.

Басқосуды университеттің Стратегиялық даму және әлеуметтік жұмыс жөніндегі проректоры Жанар Рысбекова қорытындылап, аға буын өкілдеріне оқу орны қауымдастығы атынан алғыс білдірді.

 АЛМАТЫ