Қоғам • 26 Қараша, 2021

Шұбаркөл көмірі экспортталуда. Министрлік түсінік берді

37 рет көрсетілді

ҚР Индустрия және инфрақұрылымдық даму министрлігі Шұбаркөл көмірінің Қырғызстанға экспорты туралы түсінік берді, деп хабарлайды Egemen.kz.

«Шұбаркөл Көмір» АҚ жылдық келісімшарт негізінде Қырғызстан кәсіпорындарына көмір жеткізеді.

«Ағымдағы жылдың ақпан-наурыз айларында Бішкек ЖЭО-на 80 мың тонна көмір жеткізілді, ал «Алтын корпорация» және «Гефест» компанияларына 190 мың тонна көлемінде көмір жөнелтілді. Өткен жылдың 10 айында Қырғызстанға 404 мың тонна көмір жеткізілді. Биыл отандық нарықтағы көмірге деген сұраныстың артуына байланысты Қырғызстан бағытындағы көлем қысқарып, 270 мың тоннаны құрады, яғни 134 мың тоннаға аз жеткізілді. «Шұбакөл Көмір» АҚ-ның ақпараты бойынша, бірінші кезекте көмірмен қазақстандық нарық қамтамасыз етіледі», делінген министрлік баспасөз қызметінің мәліметінде.

Осы орайда Қырғызстан бағытында компания артық қалған көмірді жеткізу бойынша ғана жұмыс істейді.

«Бұдан бөлек, биыл Қырғызстанға жоспарланған көлемнің жартысы экспортталды. Осындай үлгі бойынша компания келесі жылы да жұмыс істейтін болады. БАҚ-да көтерілген келісім туралы айтатын болсақ, мұндай келісім жыл сайын жасалады. Аталмыш келісім 2021 жылдың мамыр айында ұзартылғанын хабарлаймыз. Осы жылы Келісімде көзделген көлемнің ұлғаюы күтілмейді», деп аталып өткен ведомство ақпаратында.

Айта кетейік, бұқаралық ақпарат құралдарында Қазақстаннан Қырғызстан бағытында «Шұбаркөл» көмірін жеткізу көлемі ұлғайтылатыны туралы хабарланған еді.

Соңғы жаңалықтар

Мұнай бағасы көтеріле ме?

Экономика • Кеше

Алашорда офицері

Қазақстан • Кеше

471 мың долларға сатылды

Әдебиет • Кеше

Шабыт пен шарап

Әдебиет • Кеше

Ұқсас жаңалықтар