Жарыста қазақстандық Юрий Носов барлық қарсыласынан басым түсіп, әлем біріншілігінде топ жарды. Сонымен қатар 23 жасқа дейінгі спортшылар санатында Данил Гайнуллин де турнирде ең көп ұпай (16) жинап, алтын тұғырдан көрінді. Ал толық зағип спортшылар арасында Болат Жанымхан күміс медаль жеңіп алды. Сондай-ақ әйелдер арасындағы бәсекеде Зинятқыз Нүсіпбаева жарыстың үздік үштігінен көрініп, қола жүлдеге ие болды.
Айта кетейік, дүбірлі додада Қазақстан, Түркия, Ресей, Германия, Украина, Польша, Әзербайжан, Өзбекстан елінен жиналған 60-тан астам спортшы бақ сынады.
