Тәуелсіздіктің 30 жылдығы • 04 Желтоқсан, 2021

Байден Тоқаевты ел тәуелсіздігінің 30 жылдығымен құттықтады

95 рет көрсетілді

Америка Құрама Штаттарының Президенті Джозеф Байден Қазақстан Республикасының Президенті Қасым-Жомарт Тоқаевтың атына мемлекетіміздің тәуелсіздігінің 30 жылдық мерейтойына орай құттықтау хат жолдады, деп хабарлайды Egemen.kz Қазақстан Республикасы Сыртқы Істер Министрлігінің сайтына сілтеме жасап.

«Қазақстанның Орталық Азияда, сондай-ақ, бүкіләлемдік бейбітшілік, тұрақтылық пен гүлденуді сақтау жолында көш бастап келе жатқанының 30 жылдық мерейтойы қарсаңындағы қуанышыңызға ортақпын», деп жазды АҚШ көшбасшысы.

Оның пікірінше, алдағы уақыттағы ықпалдастық екі елдің халықтары үшін жаңа жаһандық сын-қатерлерді еңсеруге мүмкіндік береді. Осы орайда ол Орталық және Оңтүстік Азия өңірлеріндегі өзара байланыстар мен экономикалық өсуге ықпал ету бойынша Қазақстанның күш-жігерін жоғары бағалайтынын жеткізді.

«Америка Құрама Штаттары Қазақстанмен кеңейтілген стратегиялық серіктестікті және өңірлік тұрақтылықты ілгерілету, климаттық дағдарысты шешу, демократиялық институттардың тиімділігін арттыру мен адам құқықтарын құрметтеуді дамыту бойынша ынтымақтасуға ниетті», деп мәлімдеді АҚШ Президенті.

Соңғы жаңалықтар

Ұқсас жаңалықтар