Теннис • 09 Желтоқсан, 2021

Үздік шетелдік ойыншы атанды

39 рет көрсетілді

Қазақстандық теннисші Зара Дәркен Еуропа теннис қауымдастығының шешімі бойынша 2021 жылдың үздік шетелдік ойыншысы атанды. Ол бұл атақты 14 жасқа дейінгі жасөспірімдер арасындағы жеткен жетістігінің ар­қасында жеңіп алды.

Ақтөбе облысының түлегі Зара Дәркен биылғы маусымда бірталай табысқа қол жет­кізіп, әлемдік рейтингте үздік 20 теннис­шінің қатарына кірді. Отандасымыз осы жылғы халықаралық турнирлердің жекелей және жұптық сындарында бір-бір мәрте жеңімпаз атанды. Үш мәрте финалға дейін жетті.

«Жылдың үздік ойыншысы атанғаныма қуаныштымын. Бұл – мен үшін жоғары баға. Жыл бойы жарыстарда бар күшімді салдым. Маған үлкен қолдау көрсеткені үшін бапкерлерім мен Қазақстан теннис федерациясына алғысымды айтамын. Келесі жылы да биіктен көрінуге тырысамын», дейді Зара Дәркен.

Соңғы жаңалықтар

Доллар арзандады

Қаржы • Кеше

Ұқсас жаңалықтар