Еліміздің түрлі этностарының әдеби мұрасы ретінде «Қазақстан халқы ертегілері» кітабы Қазақстан халқы Ассамблеясының этномәдени бірлестіктерінің өкілдерімен бірге алғаш рет қазақ тілінде шығарылды.
Жинаққа Қазақстанның кәріс, неміс, шешен-ингуш, еврей, грек, мордва, литва, поляк және т.б. 25 ірі этностардың 114 халық ертегісі енді. Кітап екі томнан тұрады (4-7 және 8-11 жастағы балаларға арналған). Жалпы тиражы - 4 000 дана (әр бөлігі 2 000 данадан).
Мақсатты аудиторияны және жинақ мазмұнының сәйкестігін анықтау үшін Ы. Алтынсарин атындағы Ұлттық білім беру академиясында сараптама жүргізілді.
Кітаптар Білім және ғылым, Мәдениет және спорт министрліктеріне мектепке дейінгі және орта білім беру мекемелеріне, сондай-ақ еліміздің кітапханаларына тарату үшін жіберіледі.
