Ал Қазақстанда алғаш рет қанатқақты режімде АИТВ-мен өмір сүретін адамдарда туберкулезді ерте диагностикалаудың жаңа әдісін енгізу басталды.
Алматы қаласының ЖИТС алдын алу және оған қарсы күрес орталығында АИТВ індетін бақылау жөніндегі Алматы моделі жобасының қолдауымен арнаулы ЛАМ ТБ тестісін пайдалана отырып, Адам иммунтапшылығы вирусымен өмір сүретін адамдардан туберкулезді ерте диагностикалау іске асып отыр. Бұл әдісті ДДҰ байқалмайтын клиникалық көрінісі бар пациенттерде өкпе және өкпеден тыс туберкулезді ерте диагностикалаудың қосымша әдісі ретінде ұсынады.
«Туберкулезді ерте диагностикалау және уақтылы емдеу АИТВ-ахуалды адамдардың өмірін ұзартып, денсаулығын сақтауға мүмкіндік береді. Өйткені АИТВ-инфекциясы – туберкулезді өршітетін ең күшті, қауіпті фактор ғана емес, осы вирусты жұқтырғандарды ажалы жетпей, топыраққа жетелейтін басты себептің бірі», дейді ЖИТС алдын алу және оған қарсы күрес орталықтың бас дәрігері Марат Төкеев.
Липоарабиноманнан (ЛАМ) зәр анализіне арналған сынақ жолақтары ТБ-ны АӨСА арасында және АИТВ дамуының кеш сатысында диагноз қоюға мүмкіндік береді. Бұл тестерді қолдану оңай әрі тегін. Диагностиканың жаңа әдісінің тағы бір артықшылығы – АИТВ-мен ауыратын науқастардың қақырығында бактериялық ауыртпалық аз болатындықтан, бұл микроскопияның теріс нәтижелерінің жиілігінің жоғарылауына әкеледі.
Осы бастамаға орай, ЖИТС орталығының медицина қызметкерлері арнайы оқудан өтіп, ТБ ЛАМ тестілерін қолданудың алгоритмдері мен нұсқаулықтары келісіліп, бекітілді.
2021 жылдың бірінші қарашасындағы ресми деректерге сәйкес, Алматы қаласының ЖИТС орталығында АИТВ-мен өмір сүретін 3 810 адам есепте тұр.
АЛМАТЫ
