Бұл қораптарда бөбектерге керекті заттардан бөлек, ел Президенті Қасым-Жомарт Тоқаевтың құттықтау тілегі жазылған ашық хат, «Тәуелсіз Қазақстанға 30 жыл» тиыны мен баланың туу туралы куәлігі салынған.
«Дүниеге сәбиіміз келіп бір қуансақ, «Сүйінші» қорабын алып қуанышымыз еселеніп жатыр. Оның үстіне сәбиіміз мереке күні дүниеге келді. Қуанышымда шек жоқ. Президенттің өзі құттықтау хатын жолдап жатса, неге қуанбасқа! Балам Қазақстан Республикасының бақытты балаларының бір болып өседі деп сенемін! Өмірге алғашқы келген күннен құрметке ие болып жатыр. Елімізде аналар да, балалар да бақытты болсын!», дейді Алматы қаласының тұрғыны Гүлфия Ескелдинова.
«16 желтоқсан, мереке күні менің ұлым дүниеге келді. Өте бақыттымын! Саян біздің үшінші баламыз. Бүгін бізге Президенттің құттықтауымен сыйлық әкелді. Күтпеген, керемет жағымды жаңалық болды. Қорапта ана мен балаға қажет нәрсенің бәрі бар. Ұйымдастырушыларға рахмет!», дейді Динара.
Тәуелсіздік күні дүниеге келген 2 мыңнан астам сәбиге baby-бокстар сыйға тартылды.
Айта кету керек, «Сүйінші» сыйқораптарын Цифрлық даму, инновациялар және аэроғарыш министрлігі «Азаматтарға арналған үкіметпен бірге және Ұлттық банк, Центркредит банкі және «Қазпошта» АҚ қатысуымен ұйымдастырды.
АЛМАТЫ
