Мазмұнды пікір алмасу

Сыртқы істер министрі Ерлан Ыдырысов пен АҚШ-тың Қазақстандағы Уақытша сенімді өкілі Джон Ордвейдің кездесуі болып өтті, деп хабарлады министрліктің баспасөз қызметі. Кездесу барысында саяси және экономикалық салалардағы, ядролық қарусыздану мен тарат­паудағы екіжақты ынты­мақ­тас­тықтың түр­лі аспектілерінің кең ауқымды мәсе­лелері, сондай-ақ, халықаралық күн тәртібінің өзек­ті мәселелері тал­қыға салын­ды. Қазақстан Пре­зи­денті Н.На­зар­баевтың осы нау­рыз айының аяқ жағында Гаагада өтетін ядролық қауіпсіздік жөніндегі саммитке қатысуы, Стратегиялық әріптестік жөніндегі Қазақстан-Америка комиссиясы мен Ғылыми-тех­ни­калық ынтымақтастық жөніндегі ко­миссия жұмыстары, 2014 жыл­дың соңына дейінгі өзара ықпал­дас­тық мәселелері келіссөздің та­қырыптарына айналды. Украинадағы жағдай өз алдына бөлек әңгіме етілді. Тараптар бұл мәселе бойынша мазмұнды пікір алмасты.