24 желтоқсан күні түнде сағат 02:50-де Жамбыл ауылдық округінде 112 кезекші қызметінен Қостанай мен Самир кенті арасындағы тас жолда Volkswagen маркалы жеңіл автокөлік қар құрсауында қалғаны туралы хабарлама келіп түсті.
«Көлікте төрт адам бар, оның екеуі бала. Отбасы Самир ауылына бет алды, бірақ ауа райы салдарынан олар қайтып оралуға шешім қабылдап, жолда қар құрсауында қалды. Көмекке Қостанай жедел құтқару жасағының құтқарушылары ТРЭКОЛ жоғары өтімді машинасы жөнелтілді. Кабельдің көмегімен автокөлік тегіс жолға сүйрелді. Отбасы мүшелері аман-сау», деп хабарлады ведомстводан.
