Жаңа басшыларды таныстырды

Кеше Қазақстан Рес­пуб­ликасының Премьер-Ми­нистрі Серік Ахметов Кө­лік және коммуникация ми­нистрлігі мен Байланыс және ақпарат агенттігі ұжым­дарына олардың жаңа бас­шы­ларын таныстырды, деп ха­барлады Премьер-Ми­нистр­дің баспасөз қызметі. Мемлекет басшысының Жар­лығымен Көлік және коммуникация министрі болып Жеңіс Қасымбек, Үкіметтің қаулысымен Байланыс және ақпарат агент­ті­гінің төрағасы болып Асқар Жұ­мағалиев тағайындалды. С.Ахметов А.Жұмағалиевке Кө­лік және коммуникация ми­­нистрлігінің басшы­сы қыз­ме­тінде атқарған жұмыс­ы үшін алғыс айтып, оның кә­сіби біліктілігінің жаңа мем­ле­кеттік орган жұ­мы­сын жедел ұйым­дастыруға және Мем­лекет басшысы алға қой­ған мін­дет­терді шешуге көмек­тесетініне сенім білдірді. Премьер-Министр Ж.Қа­сым­бек пен А.Жұмағалиевке алда тұр­ған міндеттерді шешу барысында табыстар тіледі. Хроника Мемлекет бас­­шы­сының Жар­лығымен Асқар Қуа­нышұлы Жұ­мағалиев басқа жұ­мысқа ауысуына байланыс­ты Қазақстан Рес­пуб­ликасының Кө­лік және коммуникация ми­нистрі қызметінен босатылды. * * * Мемлекет бас­шысының Өкімімен Жеңіс Махмұдұлы Қасымбек басқа жұмысқа ауысуына байланысты Қазақстан Республикасы Көлік және коммуникация министрлігінің жауапты хатшысы қызметінен босатылды.