Қырғыз шекарашыларының мәліметі бойынша, сенбіде Қырғызстанның Дамба мен Мақсат ауылдарының маңындағы шекарада Тәжікстанның әскери күштері жиналып, шекара бекеттерінің бірінде миномет орнатқан. Осыдан кейін көп ұзамай Эки-Таш аймағында оқ атылыпты. Тәжікстан азаматтары қақтығысты тоқтату үшін қырғыз шекарашыларының көліктеріне тас лақтырған.
Оқиғадан кейін Қырғызстан мен Тәжікстан шекара заставалары басшылары кездесті. Жағдайды тұрақтандыру мақсатында қосымша шекара нарядтарын қою шешімі қабылданды. Тәжік тарапы бұл оқиғаға қатысы бар адамдарды іздестіріп жатқанын хабарлады.
Қазір жағдай салыстырмалы түрде тұрақты екені хабарланды. Қырғыз Республикасы Ұлттық қауіпсіздік мемлекеттік комитетіне қарасты Шекара қызметі аталған аймақтағы жағдайды өз бақылауына алған.
