Шөл далада жоғалып кеткен неміс саяхатшысы табылды

Австралия полицейлері екі аптадан астам уақыт бұрын жоғалып кеткен неміс саяхатшысын тапты. Бұл туралы Utro.ru хабарлады. Саяхатшы осыншама уақыт бойы шөл далада адасып жүріп, аштан өлмес үшін құрт-құмырсқаларды қорек етіпті. Ақпанның соңында Даниель Дудзиж есімді Германия азаматы Австралияның шығыс бөлігін жаяу жүріп өтпек болып, жорыққа шыққан екен. Алайда, шөлді аймаққа жеткен ол құмды бұрқасында адасып кеткен көрінеді. Басынан өткен оқиғаға қарамастан, саяхатшы өз жорығын әрі қарай жалғастыруды жоспарлап отыр. Бұл жолы ол Австралияның солтүстік бөлігіне аттанбақшы. Неміс саяхатшысы австралиялық Дебора де Уильямның жорығын қайталауға бекінген секілді. Бірнеше жыл бұрын екіншісі Мельбурн қаласындағы үйінен шығып, елді жаяу аралап шыққан болатын. Мұндай экстремалды саяхатқа ол бір жыл уақытын жұмсаған екен. Айдар Өрісбаев. Дереккөз: Utro.ru. Фото: Stormnews.ru.