Қоғам • 30 Желтоқсан, 2021

Биыл елімізде 10 мың шақырым жол жөнделді

60 рет көрсетілді

ҚР ИИДМ автожол жобаларын іске асыру қорытындысын шығарды, деп хабарлайды Egemen.kz.

Биыл бұл салада ауқымды жұмыс жүргізілді.

Республикалық және жергілікті маңызы бар автожолдардың 10 мың шақырымы құрылыс, реконструкция және жөндеу жұмыстарымен қамтылды. Оның 3,6 мыңы республикалық маңызы бар жолдар: 

- Талдықорған - Өскемен

- Қарағанды – Балқаш – Бурылбайтал – Күрті - Қапшағай

- Ақтөбе – Атырау - Астрахань

- Қалбатау - Майқапшағай

- Үшарал - Достық

- Ұзынағаш - Отар

- Меркі - Бурылбайтал

- Қостанай - Денисовка

Құрылыс маусымына жолдардағы жобаларға 200 мыңдай адам және 12 мыңға тарта жол-құрылыс техникасы жұмылдырылды.

Жыл қорытындысында жолдардың сапасын арттыра отырып, I және II санаттағы 2248 шақырым автожол пайдалануға берілді. Жақын маңдағы 120 елді мекенді қамтыған сенімді көлік қатынасы қамтамасыз етілді. Ірі елді мекендер жанында 6 айналма жолы салынып, көлік және транзиттік тасымалдар көлемі 2,5 есе артты. 

Бұл ретте жол құрылысындағы қазақстандық қамту 90%-дан асты.

Жол бойындағы сервисті дамыту үшін тиісті қызметтерді толық қамтитын 71 кешен іске қосылды. Олар: кемпингтер, мотельдер, жанармай құю стансалары, техникалық қызмет көрсету стансалары, тамақтанатын және сауда орындары және т.б.

Соңғы жаңалықтар

Ұлттық ойындар – құнды мұрамыз

Ұлттық спорт • Бүгін, 21:41

Алан алған 15-ші жүлде

Теннис • Бүгін, 21:36

Доллар бағамы төмендеді

Қаржы • Бүгін, 15:56

Ұқсас жаңалықтар