Италияда волейболдан әлем чемпионаты өтеді

Италияның Парма қаласында волейболдан әйелдер құрама командасы арасында өтетін әлем чемпионатының негізгі кезең жеребесі тартылды.  Бұл туралы Қазақстан волейбол федерациясы хабарлады. Қазақстан құрамасы «С» тобында ойнайтын болды. Нақты айтқанда, біздің қыздар «С»тобында Ресей, Таиланд, Голландия және Солтүстік Американың екі командасымен күш сынаспақ. Бірақ, олардың қайсысымен бірінші сынға түсері  алдағы уақытта анықталады. Қазіргі қолда бар мәліметтерге қарағанда, оның бірі АҚШ болуы мүмкін. Ал чемпионат Италияда 23 қыркүйек пен 10 қазан күндері аралығында өтеді. Бұған дейін еліміздің волейболдан әйелдер құрама командасы 2006 және 2010 жылдары әлем чемпионаттарына қатысқанын білеміз. Мұның екеуі де Жапонияда өтті. Оның алғашқысында командамыз 17-ші,ал  соңғы чемпионатта 24 құраманың ішінде 21-ші орын алды. Дастан Кенжалин. Дереккөз:http:// www.volley.kz. Фото: Alaman.kz.