Бейбітшілік пен тұрақтылық – еліміздің ең басты құндылығы

Шын мәнінде, бұл сөз қай­ғылы оқиғалар мен қауіп­тен аман қалған ұлттың саяси мани­фесіне айналды. Біз бар­л­ы­ғымыз Президенттің табан­дылығы арқа­сында экстремистік сөздер, тер­ро­рис­тік шабуылдар, жаппай тонау сәт­ті еңсерілгенін түсі­нуі­міз керек. Терро­ристік қауіп-қатерді және мем­лекет­ке қарсы іс-қимылдарды жою жөніндегі барлық шаралар бү­кіл­халықтық қолдауға ие бол­­ды, ұлтты Мемлекет бас­шы­сы­ның айналасына біріктірді.

Ел Президенті өз сөзін «Қасіретті қаңтар» сабағы: ретін­де белгілегені кездей­соқ емес: Қоғам тұтастығы – Тәуелсіздіктің кепілі». Қоғам осы қайғылы күндердің бәрін­де қазақстандықтарды алаң­датқан сұрақтарға толық жауап алды – неге және қалай болуы мүмкін?

Екінші жағынан, Мемлекет бас­шысының сөйлеген сөзі пре­зиденттік команданың осы қиын күндері «өртті сөндіріп» қа­на қоймай, алдағы уақытта осын­дай оқиғаларға жол бермеу жө­ніндегі бірінші кезектегі ша­ра­лар бойынша үйлесімді жұ­мыс істегенін, сондай-ақ ор­­та мер­зімді перспективаға ар­­­­нал­­­ған қажетті шаралардың па­­­йы­­­мын қа­лыптастырғанын көрсетті.

Бұл – құқық қорғау орган­дары­ның жұмысын толық реформалау, экономиканың сол сегменттерінде және халық­тың н­ара­зыл­ығын тудыр­ған оның жеке субъек­тілерінің жұ­­мы­сында тәртіп орнату мәселелері.

Президенттік бағдарлама ха­лықтың толық қолдауына ие болады және ел өміріндегі түбе­гейлі өзгерістер үшін негіз болады деп сеніммен айтуға болады.

Бірінші кезекте, бұл көп­этнос­ты халыққа қатысты, өйткені Қазақстан халқы Ас­самб­леясының мүшелері, эт­но­мәдени бірлестіктер, Қазақ­­станның түрлі этностары мем­лекетке қарсы және Конс­титуцияға қарсы зор­лық-зомбылық террористік акция­ларға қатысуға шақыруды үзілді-кесілді қабылдамады.

Қазір осы қиын күндерде Прези­дентпен, халықпен бірге болған Қазақ­стан халқы Ассамблеясы қайғылы оқиғалардың салдарын жоюға белсенді қатысуда. Зардап шеккен және халық­тың әлеуметтік қорғалмаған топ­тары үшін өңірлерде волонтерлік ак­циялар, қайырымдылық көмек­тер көрсетілуде. Барлық этно­мәдени бір­лестіктер мен этнос­тар еліміздің бір­лігі мен тұтас­тығына өз үлестерін қоса отырып, террористік акция­лар­дың, бандитизм мен тонау­дың жолын кесуге бағыт­тал­ған Президенттің ең ба­тыл ша­ра­ларын қолдап, қалып­ты өмір­ді қалпына келтір­уге бел­сенді қаты­сады. Бұл күн­дері бәрімізге бірлік, келі­сім, аза­­мат­тық бейбітшілік пен тұ­рақ­­тылық деген сөздер – абс­трак­тілі ұғымдар емес, күн­де­лікті өміріміздің ең үлкен құн­ды­лықтары екені түсінікті болды.

Дәл осы қасиеттер Прези­дент ұсын­ған барлық шараларды, бүкіл­халық­тық сенім, бейбітшілік пен бір­лікке ұмтылыстың жаңартылған ман­да­тына айналған шараларды іске асы­руға мүмкіндік беретініне сенімдімін.

 

Марат ӘЗІЛХАНОВ,

Қазақстан халқы Ассамблеясы Төрағасының орынбасары