Еңбекші ауылындағы мәдениет үйінде Жайық Угулханұлын бір минут үнсіздікпен еске алған марқұмның жақындары мен туыс, жолдастары Жайықтың жарқын бейнесі мәңгі есте қалатын жеткізді.
«Бұл орденді мен емес балам өзі алуы керек еді» деп егілген әкесі Угулхан Еренчиев қолдау көрсетіп, қайғыларымен ортақтасқан тұрғындарға алғысын білдіріп, енді бұндай жағдай болмауын тіледі.
Жайық Адылқан 4-7 қаңтар аралығында ҚР ҰҚК Шекара Академиясының курсанттарымен Алматы қаласындағы стратегиялық маңызды нысандарды қорғауға қатысқан болатын. Курсанттармен бірге «Көктөбе» телемұнарасын да қорғаған. Осы қорғаныста курсанттар бүлікшілердің шабуылына бірнеше рет тойтарыс береді. Алайда телемұнара мен академия арасындағы ұрыста Жайық бүлікшілер қолынан қаза тапты.
