Аймақтар • 14 Қаңтар, 2022

Аристотельдің жаңалығы жоғары бағаланды

74 рет көрсетілді

«Үздік ғылыми қыз­мет­кер-2021» республикалық байқауында Қарағанды техникалық университе­тінің профессоры Арис­тотель Исағұлов жеңімпаз атанды.

Аталған конкурсқа «Жара­ты­лыс­тану ғылымдары», «Инжи­ниринг және технологиялар», «Медицина және денсаулық сақ­тау», «Әлеуметтік және гума­ни­тарлық ғылымдар», «Ауыл шаруа­шылығы және ветеринария ғы­лымдары», «Әскери ғылымдар және ұлттық қауіпсіздік» сынды жеті бағыт бойынша 575 ғалым мен ғылыми қыз­меткер қатысты.

Құрамына жетекші ғалым­дар, тәуел­сіз сарапшылар, мем­лекеттік органдардың өкілдері, жас ғалымдар кеңесі мен жас ғалымдар альянсының мүшелері енген комиссияның ше­шімімен Аристотель Исағұлов отан­дық ғылым мен техниканың да­муы­на елеулі үлес қосқан қазақ­стан­дық­тарды қолдауға және көтер­мелеуге бағытталған сыйлыққа лайықты деп танылды.

Еске сала кетсек, қара­ған­ды­лық ғалым былтыр уни­вер­си­теттегі бір топ әріптестерімен бір­ге ғылым мен техника саласы бо­йынша Әл-Фараби атындағы Мем­­лекеттік сыйлыққа ие болған еді.

Профессор Аристотель Иса­ғұлов 1 086 ғылыми еңбектің – моногра­фиялар, ғылыми мақа­ла­лар, патенттер, оқулықтар және оқу құралдарының авторы. Үш ғылым докторын және 18 ғылым кандидатын және 15 PhD даяр­лаған.

Бүгінде «Қарағанды техника­лық университеті» КеАҚ-тың атқарушы директоры болып қыз­мет ететін Аристотель Иса­­ғұлов тау-кен металлургия са­ла­сын технологиялық жаң­­­ғыр­туға бағытталған үл­кен жұ­­мыстарды атқарып жүр. Оның зерттеулерінің нәти­же­лері 26 кәсіпорында сәтті енгі­зілген. Олардың қатарында «Ар­селор­Миттал Теміртау» АҚ, «Қа­зақ­стан алюминийі» АҚ, «Қа­рағанды машина жасау консорциумы» ЖШС және «Қазақмыс» корпорациясының ҚҚМЗ сияқты ірі компаниялар бар.

«Үздік ғылыми қыз­мет­кер-2021» байқауында ғы­лы­ми-зерттеу институттары мен жо­ғары оқу орындары атынан бақ сынаған 50 ғалымның мара­патталғанын айта кеткен жөн. Олардың әрқайсысына 5 млн 834 мың теңге мөлшеріндегі ақшалай сыйақы және арнайы куәлік табыс етілді.

 

ҚАРАҒАНДЫ

Соңғы жаңалықтар

Ұлы даланың ұлағаты

Аймақтар • Бүгін, 12:23

Ұстаздың аты өлмейді

Білім • Бүгін, 10:30

Карапастың қарқыны күшті

Спорт • Бүгін, 10:29

«Каспий» көш бастады

Спорт • Бүгін, 10:27

«Жас дарын» байқауы өтті

Аймақтар • Бүгін, 08:58

Элитадағы орнын сақтап қалды

Хоккей • Бүгін, 08:55

Адалдық пен шындықты шырақ етті

Қазақстан • Бүгін, 08:48

Ұқсас жаңалықтар