Өткен айдағы рейтингте он бесінші орыннан көрінген отандасымыз жаңартылған рейтингте екі саты төмен сырғып, 17 орынға орнықты. Ал дәл осы салмақтағы Әли Ахмедов 21 орынға жайғасқан. Үздік үштікте Давид Бенавидес, Давид Лемье, Дэниэл Джейкобс секілді боксшылар тұр.
Естеріңізге сала кетейік, Айдос Ербосынұлы соңғы жекпе-жегін өткен жылдың 12 қыркүйегінде елордада өткізген болатын. Аталмыш шайқаста ол Леннокс Алленді мерзімінен бұрын жеңіп, WBA тұжырымы бойынша әлем чемпионы атағына үміткер атанған еді.
