«Эпидемиологиялық жағдайдың күрделілігін, «омикрон» нұсқасының айналымын ескере отырып, шектеу шаралары күшейтілді», деді Ажар Ғиният.
Атап айтқанда, ведомство басшысының айтуынша, Қазақстанда келесі шектеулер енгізілді:
- ҚР Мемлекеттік шекарасын кесіп өту пункттерінде вакцинация мәртебесіне қарамастан, шетелден келгендердің барлығы үшін теріс ПТР-тесттің болуы міндет;
- Ashyq бойынша «жасыл» мәртебе болған кезде ғана қызметіне рұқсат етілген объектілердің тізбесі кеңейтілді;
- Өңірлердегі эпидемиологиялық ахуалға байланысты оқушыларды, студенттерді оқытуға сараланған тәсіл қолданылады.
«Шектеу шараларын енгізу әрбір нақты өңірдегі эпидемиологиялық жағдайға байланысты сараланып жүзеге асырылатынын атап өткім келеді», деп қосты деді Ажар Ғиният.
