Аймақтар • 19 Қаңтар, 2022

Алматылық кәсіпкерлердің өтініші арнайы сайт арқылы қабылданады

40 рет көрсетілді

Алматыда жаппай тәртіпсіздік кезінде келтірілген шығынның жалпы сомасы 95 млрд теңгеден асады. 1600 кәсіпкерлік субъекті зардап шекті. Оның 96 пайызы шағын және орта бизнес өкілдері. Бұл туралы брифинг барысында қала әкімінің орынбасары Ілияс Өсеров мәлім етті, деп хабарлайды Egemen.kz.

Оның айтуынша, зардап шеккен шағын және орта бизнеске өтемақы төлеу механизмі әзірленген. Бұл бағытта мемлекеттік органдардың қатысуымен арнайы комиссия жұмыс істейді. Оның құрамына депутаттар мен қоғамдық бірлестіктер, «Атамекен» ҰКП-ның қызметкерлері кірді.

«Бизнес субектілерінің өтініші электронды түрде Infokazakhstan.kz сайтында қабылданады. Онда жеке кәсіпкер мен заңды тұлғалар өздерінің кәсіпкер екенін растайтын және келтірілген шығынның фото, видеосын көрсетеді. Содан соң оны өңірлік және қор комиссиясы 5 күн ішінде қарайды. Қазір Алматыда әкімінің тапсырмасымен құрылған Өңірлік комиссия жаппай тәртіпсіздіктен қалаға келтірілген шығынды әлі есептеп жатыр. Бүгінгі күні алдын ала болжам бойынша жалпы шығын 95 млрд теңгеден асты. Оның ішінде 54 әкімшілік нысан зақымданған. Құқыққорғау және коммуналдық қызметтің 260 көлігі, одан бөлек жеке тұлғалардың 150 автокөлігі өртенген, яғни 2 млрд теңгеден астам шығын келді», дейді Ілияс Өсеров.

Соңғы жаңалықтар

«Әділдікті енді қайдан табамын?»

Қазақстан • Бүгін, 22:57

«Бір белгі үшін...»

Кино • Бүгін, 22:45

Шынайылық

Өнер • Бүгін, 22:42

Балалық шақтың аспаны

Қоғам • Бүгін, 22:38

Ұлағатқа ынтықтардың ұмтылысы

Аймақтар • Бүгін, 22:37

Ұқсас жаңалықтар