![Жаппай тәртіпсіздік кезінде жоғалған мүліктің құнын кім төлейді?](/media/2022/01/19/e9bb8a0bc7a658a139b6aac891134ebc_xl.jpg)
Әкім орынбасарының айтуынша, залалды өтеу жоғалған мүліктің құнын төлеу немесе зардап шеккен адамдарға тиесілі бүлінген мүлікті қалпына келтіру жұмыстары арқылы жүзеге асырылады. Жоғалған мүліктің құны мемлекеттік бюджеттен немесе «Күш бірлікте» қорынан өтеледі. Сонымен қатар оның мөлшерін өңірлік және Қордың комиссиясы анықтайды.
«Жергілікті атқарушы органдар мен Қор қызметтерді көрсету үшін бағалау және аудиторлық компаниялардың тізбесін алдын ала айқындайды және тізбені интернет-ресурста орналастырады. Бұл ретте мүлікке бағалау мен аудит жүргізуге, смета жасауға және бүлінген мүлікті қалпына келтіру шығындарын калькуляциялауға байланысты қызметтерге ақы төлеу әкімдікке немесе Қорға жүктеледі», деп атап өтті Ілияс Өсеров.
Көлікті айдап әкету жағдайларына келетін болсақ, олар 2022 жылғы қаңтардағы жекелеген өңірлердегі тәртіпсіздіктер нәтижесінде жойылып кеткен көліктерді қоспағанда, қылмыстық заңнама шеңберінде тергелуде.