Әдебиет • 20 Қаңтар, 2022

471 мың долларға сатылды

47 рет көрсетілді

1997 жылы қатты мұқабамен алтынмен бедерленіп, арнайы қаптамаға салынып шыға­рыл­ған әлемдік балалар әде­бие­тінің жауһарына айналған «Хәрри Поттер мен пәлсапа тас» кітабы Даллас қаласында өт­кен Heritage Auctions аукцио­нында сатылды.

Бұл басылымның тиражы бар-жоғы 500 дана. Сондықтан бүгінде ол библиографиялық құндылыққа айналып отыр.

Лоттың алғашқы бағасы 75 мың доллар болды. Нәтижесінде, кітап 471 мың долларға сатылды.

«Бұл нұсқаның мұқабасы өте сәтті шыққан. Хәрри Поттердің ал­ғаш­қы басылымы, міне, осындай болуы тиіс. Кітапты өзіңмен алып жүру, жеке кітапханаңа қосу – бір ғажап әсер сыйлайды. Бұл Хәрри Поттер туралы бұған дейін сатылған ең қымбат кітап қана емес, сондай-ақ ХХ ғасыр көркем шығармаларының ішіндегі коммерциялық жолмен жария­ланған ең қымбат кітабы», дейді аукцион ұйымдастырушысы.

Ал кітапты сатқан жеке амери­калық коллекционердің есімі жария­ланбайды.

Айта кетейік, 2020 жылы «Хәрри Поттер» топтамасының бірінші кітабы «Хәрри Поттер мен пәлсапа тас» романы тұңғыш рет қазақ тілінде жарық көрген еді. Одан кейін «Хәрри Поттер мен жасырын бөлме», «Хәрри Поттер мен Азкабан тұтқыны», «Хәр­ри Поттер мен от-сауыт», «Хәрри Поттер мен Феникс алқасы» атты бө­лімдері де аударылып, барлығы бес кітап басылып шықты. Британ жазушысы Жоан Роулиң ойлап тапқан сиқыршы бала Хәрри Поттер мен оның сиқыр әлемі туралы еңбектерді қазақ тілінде басып шығару құқығы Steppe & WORLD Publishing баспасына тиесілі.

Соңғы жаңалықтар

Күрек пен жүректің орны...

Қоғам • Бүгін, 22:32

Бюрократизм

Қоғам • Бүгін, 22:26

Бірінші байлық

Руханият • Бүгін, 22:16

Елді жаңарту мен жаңғырту кепілі

Референдум-2022 • Бүгін, 22:11

Кеншілер қаласындағы кездесу

Аймақтар • Бүгін, 22:10

Өзгерістердің мән-жайы түсіндірілді

Референдум-2022 • Бүгін, 22:07

Агробанк керек пе?

Экономика • Бүгін, 21:59

Ұқсас жаңалықтар