Қазақстан • 21 Қаңтар, 2022

Ветеринариялық препараттардың деректер базасы құрылады

Онда келіп түсу, бөлу және оларды пайдалану бойынша есеп жүргізіледі, деп хабарлайды Egemen.kz АШМ баспасөз қызметіне сілтеме жасап.

Жанболат Кенжеғұл

Кадрларды даярлау саласында министрлік барлық оқу орындарында ветеринария мамандықтары бойынша білім берудің бірыңғай бағдарламасын енгізуді, ветеринариялық мамандықтар үшін ауылдық квотаны 70%-ға дейін арттыруды, сондай-ақ жоғары оқу орнын бітіргеннен кейін 3 жыл ішінде тек оқу орны бойынша ғана емес, «Серпін» жобасы бойынша Қазақстанның басқа да еңбек күші тапшы өңірлерінде түлектердің жұмысты өтеуіне мүмкіндік беруді ұсынады.

Дүниежүзілік жануарлар денсаулығы ұйымының жер үсті жануарларының денсаулығы Кодексінің ұсыныстарына сәйкес, ветеринариялық статуарлық орган құру жоспарланып отыр.

Ветеринария саласындағы мамандардың жалақысын көтеру ведомствоның маңызды міндеттерінің бірі саналады. Онсыз қызметтің тартымдылығын арттыруға қол жеткізу мүмкін емес.

Қазіргі уақытта осы мәселені шешудің бірнеше жолы ұсынылады, атап айтқанда, ветеринариялық іс-шараларды өткізу бойынша көрсетілетін қызметтерге тарифтерді қайта қарау, ақылы қызмет түрлерінің көлемін ұлғайту, ветеринариялық дәрігерге жүктеме нормативін бекіту.

Ұсынылып отырған шаралар Парламент Сенаты депутаттарының, мүдделі мемлекеттік және жергілікті атқарушы органдардың, Білім және ғылым ұйымдарының, бизнестің, қоғамдық бірлестіктердің қатысуымен түрлі алаңдарда талқыланатынын атап өту қажет.

Ветеринария жүйесін реформалау жөніндегі шараларды іске асыру Агроөнеркәсіптік кешенді дамытудың 2021-2030 жылдарға арналған тұжырымдамасын іске асыру шеңберінде, оның ішінде Қазақстан Республикасының заңнамалық қажетті қаражатты бөле отырып, 2022-2026 жылдарға жоспарланып отыр.

Күннің маңызды және өзекті жаңалықтарын «Егемен Қазақстан» телеграм каналынан оқыңыз