Бүгінгі таңда қала мектептеріндегі орын тапшылығы 33 812 болса, балабақшаларда 40 мыңды құрайды. Оның себептерін құрылыс қарқынының төмендігі мен бала санының көбеюімен байланыстырған қала әкімі бұл мәселені шешу үшін жаңа мектептер мен балабақшалардың жедел құрылысына баса назар аудара отырып, әлеуметтік нысандарды ашу жоспарлары түзетілгенін жеткізді. Нәтижесінде, биыл 48, яғни оның ішінде бюджет есебінен – 16, МЖӘ арқылы – 4, құрылыс компанияларымен меморандумдар бойынша – 16, жеке инвестициялар есебінен 10 мектеп мектеп ашу жоспарланған. Сонымен бірге Әуезов және Бостандық аудандарындағы екі мектептің бұрын жекешелендірілген ғимараттары сатып алынады.
Қала әкімдігінің дерегінен мәлім болғандай, биыл 82 балабақша (жалпы алғанда 10 мыңнан астам орын) ашу жоспарланған, оның ішінде 11 балабақша коммуналдық меншікке қайтару себебінен пайдалануға берілмеген. Жетісу ауданында бұрынғы балабақша ғимаратын және 10 шағын ауданда балабақшаны сатып алу жоспарланған. Бюджет есебінен 9 балабақша, жеке инвестициялар есебінен 60 балабақша салынады. Алдағы 5 жылға дейін мектептер мен балабақшалардағы орын тапшылығын болдырмауды міндет етіп отырған қала басшылығы мектептен тыс тегін білім берумен қамтуды арттыру үшін (қазір бұл көрсеткіш небары 9 пайызды құрайды) наурыз айында Достық даңғылы бойындағы Оқушылар сарайын жаңғыртуды аяқтау, Алатау және Наурызбай аудандарында 2 жаңа Оқушылар сарайының, сондай-ақ Бостандық, Алмалы және Түрксіб аудандарында ескі ғимараттарды бұзып, 3 оқушылар үйінің құрылысын дамыту жоспарланып отыр. Сонымен қатар қалада тарихи орталықты сақтай отырып, құрылыс салу ережелері қабылданған. Осы орайда тұрғын үй кешендері маңында мектептер, балабақшалар, өзге инфрақұрылыммен қолжетімділікті қамтамасыз ету міндеттемелері енгізілген. Сонымен қатар алматылықтардың «Халықтық бюджетке қатысу» жобасына белсенді қатысуы нәтижесінде ұсыныстар үш есеге дейін өскен. Биыл жобаны жүзеге асыруға 7,4 млрд теңге қарастырылып отыр. Ал қаржыландыру көлемі тұрғындар сұранысының артуына байланысты болады.
АЛМАТЫ
