Бокс • 25 Қаңтар, 2022

Жұдырықтасуға дайын

76 рет көрсетілді

Бокстан Токио Олимпиадасының қола жүлдегері, 2021 жылғы әлем бірін­шілігінің чемпионы Сәкен Бибосынов өзбекстандық боксшы Хасан­бой Дусматовпен, жақсы ұсыныс болса, шаршы алаңда қайта жұды­рықтасуға дайын екенін айтты.

Осыдан бірер апта бұрын Рио Олимпиа­дасының чемпионы, Вэл Баркер кубогының иегері, Өзбекстанның мақтанышына айналған Хасанбой Дусматов қазақтың қайсар ұлы Сәкен Биобосыновпен кәсіпқой бокста қайта кездескісі келетінін жалпақ жұртқа мәлімдеген болатын. Өз кезегінде Сәкен де қарсыласының бұл ұсынысын қуана қолдайтынын, тек промоутерлер жекпе-жекке лайықты қаржы тіксе ғана жұдырықтасатынын жеткізді.

«Әрине, екінші рет кездесуге қарсы емеспін. Екі тарап келісімге келіп жатса, әрине, жұдырықтасамын. Қай салмақ болса да келісім беремін. Бірақ бұл айқастың гонорары аз болмауы керек. Менің де кісі қызығатындай жетістіктерім баршылық. Онымен аз ақшаға бола қолғап түйістіргім келмейді», дейді қазақстандық былғары қолғап шебері.

Айта кетейік, Сәкен Бибосынов пен Хасанбой Дусматов былтыр Сербияда өткен әлем біріншілігінің алғашқы айналымында кездесіп, жерлесіміз айқын басымдықпен жеңіске жеткен еді.

Соңғы жаңалықтар

Ұлы даланың ұлағаты

Аймақтар • Бүгін, 12:23

Ұстаздың аты өлмейді

Білім • Бүгін, 10:30

Карапастың қарқыны күшті

Спорт • Бүгін, 10:29

«Каспий» көш бастады

Спорт • Бүгін, 10:27

Ұқсас жаңалықтар