Қос платина күйтабағы Colorit-Арыстанға бұйырды

Осы және өткен жылдың қорытындысы бойынша бас­қа да шығармашылық табыстары үшін ол екі бірдей платина дискісіне ие болды.

Арыстанның өзі бұл турасында Instagram парақ­шасында былай деп жазды: «Быстро» әні 45 миллион тыңдауды жинап, қос платина дискісін алды. Ке­зінде мен әншілердің осын­дай марапаттар алып жат­қанын көріп, мұндайды тек қана армандаушы едім. Күндердің бір күнінде өз жұ­мысым үшін платина ала­тынымды көз алдыма елес­тете де алмағаным рас. Мені қолдағандарыңыз үшін бар­шаңызға алғыс айтамын».

Арыстан Әбілдин музы­калық отбасында дү­ниеге келген. Оның әкесі жер­гілікті «Шыңдауыл» атты ансам­бльдің директоры, музы­каның джаз түрімен айналысады. Ал анасы музы­калық колледждегі хордың дирижері.

Colorit псевдонимімен өнер көрсетіп жүрген Арыс­тан Әбілдин былтыр ха­лықаралық TikTok конкурсында топ жарған болатын.

Жас дарынның бола­шақ­тағы жоспары да зор. Әзірге ол әлеуметтік желілердегі таны­малдылығын арттырумен айналысып жүр. Қазірдің өзінде оның Инстаграм, ТикТок және ВК тобында жүз мыңдаған жазылушысы бар. Бұл дегеніңіз, жас әншіні тыңдайтын аудиторияның аясы күннен-күнге ұлғайып келеді деген сөз.

ҚАРАҒАНДЫ