Ауыл шаруашылығы министрлігінің алдын ала мәліметтері бойынша, бүгінгі таңда парк 141 мың трактор мен 36 мыңнан астам комбайнды құрайды.
«Бұл ретте тозу деңгейі 80%-ды құрайды, олардың барлығы 10 жылдан астам уақыт қолданылған техника. Осыны ескере отырып, біз паркті жаңарту бүгінгі күні орта есеппен 3% құрағанын түсінеміз, бірақ тиісті тозу кезінде паркті 6%-ға жаңарту қажет. Кәдеге жарату алымы шеңберінде тракторлар мен комбайндар тапсырылып, отандық өндіріске жеңілдік немесе ақшалай өтемақы алатын ваучерлер бойынша бағдарлама енгізілді», деп түсіндірді Индустрия және инфрақұрылымдық даму министрлігінің Автомобиль жасау, арнайы техника, ауыл шаруашылығы машинасын жасау басқармасының басшысы Руслан Хисамутдинов Нұр-Сұлтанда өткен баспасөз конференциясында.
Өткен жылдың қорытындысы бойынша елімізде қанша ескі ауыл шаруашылығы техникасы кәдеге жаратуға қабылданғаны айтылды.
«Кәдеге жарату алымын енгізген сәттен бастап кәдеге жаратуға 2480 трактор, 900 комбайн қабылданды», деп хабарлады басқарма басшысы.
