Алғашқы минуттан алаңға Игита, Тайнан, Тұрсагұлов, Дуглас, Оразов бестігі шықты. Ойын барысында оларды Атантаев, Карағұлов, Эдсон, Валиуллин, Кнауб, Тоқаев, Сағындықов алмастырды. Ойын басынан қос құрама бірден шабуылға көшті.
Ойынның 5-минутында қазақстандық Біржан Оразов мергендік танытса, 8-минутта Азат Валиуллин есепті еселеді. Оған 12-минутта Дуглас Николоди бір голмен жауап қайырды.
Екінші кезеңнің 30-минутында Біржан Оразов бүгінгі кездесудегі екінші голын соқты. Ал 38-минутта қазақстандық құрамадан Дуглас Жуниор қорытынды есепті тіркеді.
