2022 жылдың 1 қаңтарында Қазақстанның Ұлттық қорын басқару жөніндегі кеңес мақұлдаған бағыттар шеңберінде сенімгерлік басқарушы ретінде Ұлттық банктің зейнетақы активтерін инвестициялау қызметі бірнеше негізгі бағытты құрады.
Бірінші бағыт – Қаржы министрлігі шығарған мемлекеттік бағалы қағаздар. Оның ағымдағы құны 5 трлн 104,82 млрд теңгеге немесе бүкіл портфельдің 39,13 пайызына тең. Оның теңгедегі кірістілігі жылына 9,4 пайызды құраса, долларға қатысты кірістілігі 3,4 пайызға тең.
Екінші бағыт – шетелдердің мемлекеттік бағалы қағаздары. Мұның көлемі – 2 трлн 500,81 млрд теңге. Оның портфельдегі үлесі – 19,17 пайыз. БЖЗҚ-ның зейнетақы активтері портфеліндегі шетелдердің мемлекеттік бағалы қағаздарының орташа кірістілігі жылына 1,2 пайызға тең.
Үшінші бағыт – квазимемлекеттік ұйымдар облигациялары. Ағымдағы құны – 1 трлн 670,05 млрд теңге, портфельдегі үлесі – 12,80 пайыз. Теңгедегі орташа кірістілігі жылына 10,8 пайызды құраса, доллармен есептелетін кірістілігі 5,5 пайызға тең.
Төртінші бағыт – екінші деңгейлі банктер облигациялары – 1 трлн 046,62 млрд теңге немесе 8,02 пайыз. Орташа кірістілік жылына – 10,0 пайыз.
БЖЗҚ-ның зейнетақы активтері есебінен сатып алынған қаржы құралдарындағы ұлттық валютадағы инвестициялары – 67,22 пайыз, АҚШ долларындағы инвестициялар – 32,71 пайыз, Ресей рублінде және басқа валютадағы инвестициялар – 0,06 пайыз.
Ұлттық банк алған, жыл басынан бері есептелген инвестициялық табыстың құрылымы келесідей сипатқа ие: бағалы қағаздар бойынша сыйақы түріндегі кірістер – 873,20 млрд теңге, бағалы қағаздарды нарықтық қайта бағалаудан түскен кірістер – 146,57 млрд теңге, шетел валютасын қайта бағалаудан түскен кірістер – 68,32 млрд теңге, сыртқы басқарудағы активтер бойынша кірістер – 140,97 млрд теңге, өзге де кірістер – 169,79 млрд теңге.
Инвестициялық қызмет нәтижесінде, сондай-ақ шетел валюталары бағамдарының құбылмалылығы мен қаржы құралдарының нарықтық құнының өзгеруі нәтижесінде, есептелген инвестициялық кіріс мөлшері өткен жылы 1 трлн 398,85 млрд теңге болды. 2021 жылдың басынан бастап салымшылардың шоттарына бөлінген БЖЗҚ зейнетақы активтерінің кірістілігі 11,13 пайызға жетті. Ал бұл аралықтағы инфляция 8,40 пайыз болған. Осылайша, БЖЗҚ зейнетақы активтерінің нақты табыстылығы 2,73 пайыздық өсім көрсетті.
Жоғарыда атап өткендей, зейнетақы активтерінің бір бөлігі инвестициялық портфельді басқарушыларға беріледі. Мұндай шаруамен елімізде бірнеше компания айналысады. Мәселен, Jýsan Invest компаниясының сенімгерлік басқаруындағы зейнетақы активтері 3,43 млрд теңгені құрады. Оған Ұлттық банкноттары (портфельдің 33,42 пайызы), Exchange Traded Funds (ETF) пайлары (24,45 пайыз), Қаржы министрлігінің мемлекеттік бағалы қағаздары (15,07 пайыз), РЕПО операциялары (16,64 пайыз) сатып алынды. Инвестициялық шоттарда ақшалай қалған активтер – 10,42 пайыз. Портфельдің 65,22 пайызы теңгемен, 34,78 пайызы доллармен сақталған. 2022 жылдың 1 қаңтарындағы жағдай бойынша есептелген инвестициялық табыс мөлшері 139,29 млн теңге болды. Зейнетақы активтерінің табыстылығы – 8,08 пайыз.
2022 жылдың 1 қаңтарында Halyk Global Markets компаниясының сенімгерлік басқаруындағы зейнетақы активтері 2,06 млрд теңгені құрады. Портфельдің құрылымында кері РЕПО операциялары (43,33 пайыз), квазимемлекеттік ұйымдарының облигациялары (14,39 пайыз), ETF пайлары (13,99 пайыз), шетелдік эмитенттердің акциялары мен депозитарлық қолхаттары (8,75 пайыз), екінші деңгейлі банк облигациялары (7,54 пайыз), ұйымдардың корпоративтік облигациялары (6,10 пайыз), халықаралық қаржы ұйымдарының облигациялары (5,83 пайыз), шоттардағы ақша қаражаты (0,05 пайыз) мен басқа да активтер (0,02 пайыз) бар. Портфельдегі ұлттық валютадағы инвестициялар 77,21 пайызға, АҚШ долларындағы инвестициялар 22,79 пайызға тең. 2022 жылдың 1 қаңтарындағы жағдай бойынша есептелген инвестициялық кіріс мөлшері 112,79 млн теңге болды. Зейнетақы активтерінің табыстылығы 8,41 пайызға жетті.
BCC Invest компаниясының сенімгерлік басқаруындағы зейнетақы активтері 1,22 млрд теңгеге тең. Активтер пайларға (ETF индекстерге, 25,48 пайыз), кері РЕПО операцияларына (20,79 пайыз), квазимемлекеттік ұйымдардың облигацияларына (17,04 пайыз), шетелдік эмитенттердің акциялары мен депозитарлық қолхаттарына (9,91 пайыз), халықаралық қаржы ұйымдарының облигацияларына (8,00 пайыз), екінші деңгейлі банктердің облигацияларына (6,94 пайыз), Қазақстанның резидент-эмитенттерінің корпоративтік облигацияларына (6,85 пайыз), инвестициялық шоттардағы ақша қаражатына (4,96 пайыз), өзге де активтерге (0,04 пайыз) бөлінген. Ұлттық валютадағы құралдарға портфельдің 59,82 пайызы, АҚШ долларындағы құралдарға портфельдің 40,18 пайызы инвестицияланған. Есептелген инвестициялық кіріс мөлшері 74,51 млн теңгені құрады. Зейнетақы активтерінің табыстылығы – 8,37 пайыз.
2022 жылдың 1 қаңтарындағы жағдай бойынша «Сентрас Секьюритиз» компаниясының сенімгерлік басқаруындағы БЖЗҚ-ның зейнетақы активтері 809,46 млн теңгені құрады. Олар Қаржы министрлігінің мемлекеттік бағалы қағаздарына (69,29 пайыз), РЕПО операцияларына (15,70 пайыз), Қазақстан эмитенттерінің акциялары мен депозитарлық қолхаттарына (14,73 пайыз), инвестициялық шоттардағы ақша құралдарына (0,27 пайыз) инвестицияланды. Барлық инвестициялар ұлттық валютада жүргізілген. Есептелген инвестициялық кіріс мөлшері 46,72 млн теңгеге тең. Ал зейнетақы активтерінің кірістілігі 9,37 пайызды құрады.
