![БҚО-да республикалық маңызы бар жол жабылды](/media/2022/02/03/2022_01_18_1610515586_55e485582ac24b21f377cda81c02d1d7.jpg)
«Қазавтожол» ЖШС БҚО филиалының мәліметі бойынша 3 ақпан күні жергілікті сағат 12.30-дан бастап республикалық маңызы бар Орал-Тасқала-РФ шекарасы (76-104 км, Тасқаладан Ресей шекарасына дейін) жолында барлық көлік түрлері үшін қозғалысқа шектеу қойылды.
Аталмыш аралықта күшті жел салдарынан бұрқасын көтеріліп, жолдың көрінуін қиындатып тұр.
«Қазгидромет» РМК мәліметі бойынша бұдан бұрын 3 ақпан күні облыстың кей жерлерінде көктайғақ болып, тұман түсіп, желдің күшейетіні хабарланған болатын.
Осыған байланысты БҚО ТЖ департаменті ескерту жариялап, тұрғындарға абай болу қажеттігін жеткізді.