Бүгінде аталған факті бойынша қылмыстық іс қозғалды.
Тергеу кезінде анықталғандай, өткен жылдың 8 желтоқсанында бас дәрігер жеке стоматологиялық емхана директорынан бопсалау арқылы 500 000 теңге алған. «Алым» тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде қызметтерді көрсету шартының мерзімін ұзартуға, сондай-ақ қызмет көрсету актісі бойынша қаражатты уақтылы аударуды көздеген.
2022 жылы 4 ақпан күні кешке Аида Бексұлтанованы қылмыстық қудалау органдары парамен ұстады. Оның әрекеті Қазақстан Республикасы Қылмыстық кодексінің 366-бабының 3-бөлігінің 1-тармағымен (Бопсалау арқылы пара алу) квалификацияланды. Соттың шешімімен айыпталушыға екі ай мерзімге тергеу изоляторына қамауға алу туралы санкция берілді.
Тағылған айып бойынша Қылмыстық кодексте жеті жылдан он екі жылға дейінгі мерзімге бас бостандығынан айыру түріндегі жаза көзделген.
